OraRoa 2021

Te ‘ōnohi

E fa’aotira’a ‘ōtahi te ‘ōnohi. E fa’aotira’a ferurihia nō te ha’apohe iāna iho.


E ō ato’a mai rā te feiā e ‘auaha’ati ra iāna.


Le suicide Te 'onohi

E rave rahi mau tumu e tūra’i i te ta’ata e ‘ōnohi iāna.


E ‘ere ‘ōia i te mea mana’o-‘ore-hia, te hope’ara’a teie nō te hō’ē mana’o ‘ōnohi ferurihia, e vai noa i roto i te ferurira’a, tae atu ai i te mahana i fa’ata’ahia e ana. Nehenehe rā i ni’a i te hō’ē taime poto roa.

Tē vai ra rā te mau tāpa’o e fa’a’ite mai i te mana’o ‘ōnohi.

Tristesse, larme

Mai te tahi mau paraparau mai teie te huru : « ‘oa’oa noa ‘outou mai te peu ‘aita vau, ‘aita e ha’apa’ora’a tō’u, fiu i te ora, ta’ahoa i te orara’a. »




E’ere te ‘ōnohi te mana’o mātāmua o te hō’ē ta’ata e mana’o ra e nā reira, tera rā, e mea pāpū te fa’aara mai ra ē e fifi rahi tōna.



Te tahi mau umera

I Porinetia nei, e vahine te rahira’a teie e ‘ōnohi nei ia rātou (3 vahine i ni’a i te 1 tāne).


Tae roa mai i te 2015, tei ni’a i te faito e 30 matahiti tō rātou. Te mau taure’are’a ihoā rā mai te 25 ‘e tae atu i te 30 o te matahiti.


Te iti mai ra te feiā i ni’a i te faito 30 matahiti tei pohe i te ‘ōnohi. Te rahira’a e ‘itehia nei tei ni’a īa i te faito 45 tae atu i te 65 o te matahiti tei pohe i te ‘ōnohi.

‘ia ‘ite-noa-hia atu te tapa’o ‘ōnohi

E ‘ohipa teie nā te ta’ato’ara’a hou te mau tuati ma’i ‘aore rā te ta’atira’a SOS suicide e rave mai ai ia rātou.

Suicide femme

Nāfea īa ?

1) ‘eiaha e fa’a’ō’ō ia rātou, ‘eiaha e ha’avāhia atu ‘aore rā e fa’ahaehae atu.


2) ‘a parau atu e tē mana’ona’o nei ‘outou iāna.


3) ‘ fa’aro’o atu iāna, ‘a fa’a’ite atu e tē māramarama nei ‘outou i tōna fifi.


4) ‘a hi’o atu e ‘aita ānei e mana’o ra e ‘ōnohi iāna, mai te peu tera ihoā, ‘a ‘imi atu e nāfea ‘ōia, i hea roa ‘e ‘āfea e rave ai i te reira.


5) Mai te peu ‘ua pāpū tāna fa’anahora’a, ‘a tauturu ‘oi’oi atu iāna.


6) ‘a tauturu atu iāna i roto i tāna ‘imira’a rāve’a ma te fa’atura i te ‘ōti’a i roto ia ‘oe ‘e ‘ōna.


7) Fa’aitoito iāna i te ‘imira’a i te tauturu ‘e ‘a ‘āpe’e atu iāna i roto i taua ‘imira’a ra.


8) ‘a ti’i i te mau ha’amāramaramara’a nō te tauturu tano iāna.


Te ta’atira’a SOS Suicide (‘ōnohi)

‘ua ha’amauhia i te 2011 ra e te taote Stephane Amadeo ‘e tae noa atu e piti nau tua’ti ma’i. Nā teie ta’atira’a e ara nei i te parau o te ‘ōnohi, nāna ato’a e pāhono i te mau anira’a rū.


Tē vai ra hō’ē numera niuniu nō te feiā tei roto i teie fifi


Tahua natirara : https://sossuicide.pf

Contacts

Numera matiē : 44 47 67

Numera rū : 89 20 25 23 ou 87 20 25 23

Numera piti : 87 79 07 87


#suicide #prevention #signes #messages #tristesse #tentative #SOSsuicide


habillage droit-2021.jpg